難得可以去旅行放鬆下，但係計劃行程、Book機票酒店，甚至執行李有時都會係壓力嘅來源！我地明白你嘅煩惱，KAYAK app 就係一個幫你輕鬆準備旅行嘅工具。我地可以幫你一站式預訂機票、酒店、租車、執行李，同埋計劃每日嘅行程，至於搵人幫手照顧毛小孩既工作 — 就要留返俾你喇。
KAYAK app 係專為熱愛旅行嘅你設計嘅工具。首先你可以係手機嘅 app store 下載最新版本嘅 KAYAK app，無論去到邊度都好方便使用。
使用搜尋功能
KAYAK 嘅搜尋功能可以幫你輕鬆搵到心水嘅機票、酒店同租車優惠。
- 喺手機上打開 KAYAK app，出現嘅就係搜尋頁面
- 喺搜尋頁面嘅頂部，你可以選擇酒店、機票或者租車。我地用咗機票嚟做示範
- 你可以選擇搜尋單程、來回、或者多個城巿嘅機票
- 輸入你嘅出發地、目的地，同埋日子
- 按放大鏡搜尋之後，可以選擇以最便宜、推薦、最快或者最早，去排序搜尋結果
- 搵到你嘅心水機票之後，可以按「查看優惠」
- 我地會將你轉去預訂供應商嘅網站，你將會輸入個人資料，就可以完成機票預訂喇！
- 重複以上嘅步驟，去預訂心水酒店同租車
- 祝你有個愉快旅程！
使用 Trips 功能
臨急臨忙搵唔到預訂電郵？Trips 可以幫你解決呢個煩惱。我地會將你電郵收件箱嘅預訂電郵，自動集中儲存喺 Trips 入面。開始之前，你只需要係設定部分選擇正確嘅電郵地址，就可以啟動同步喇！你亦都可以喺 Trips 入面使用行李清單，我地會幫你整理出建議要帶齊嘅項目，保證你可以輕鬆出發！
- 喺手機上打開 KAYAK app，係頁面底部選擇 Trips
- 一開始，我地會請你設定 app 同電郵同步。根據指示將電郵帳戶連結，KAYAK 就可以幫你整理出行程預訂
- 設定好電郵連結之後，選擇「開始計劃行程」
- 你會被轉去搜尋頁面。根據以上嘅使用搜尋功能嘅指示，完成機票、酒店同租車預訂，你收到嘅預訂確認電郵，亦會自動儲存嘅 Trips 頁面
- 如果你想搵下旅遊靈感，或者想知道各個目的地嘅大概預算要幾多，可以喺 Trips 嘅左上角使用 Explore
- 你可以移動地圖，了解各個目的地嘅機票價錢
- 如果搵到啱心水嘅，選擇「查看機票」就可以知道機票詳情喇！
虛擬量度行李大小
相信大家都試過執好行李之後，唔肯定行李符唔符合航空公司規定，但又無尺係身邊？KAYAK 嘅行李量度工具可以幫到你！
- 打開 KAYAK app 嘅主頁面
- 喺頁面底部，有四個藍色圖示，選擇「行李量度工具」
- 允許 KAYAK 使用你嘅相機，然後按「立即開始」
- 將行李放喺一個平坦空礦嘅地方
- 畫面會根據測量俾指示，包括先以方格確認平面，然後你可以用手指公按全螢幕中心嘅圓點，沿住掃描行李嘅所有邊沿
- 當完成掃描成件行李，放開手指，然後等候量度嘅結果。我地會建議行李符合邊d航空公司嘅要求
小貼士
身為忙碌嘅旅遊達人，旅遊工具最重要可以幫到大家慳時間，KAYAK app 就可以做到呢一點。如果你打開設定部分，你只要完成幾個步驟，就可以令行程計劃更加輕鬆。
- 更新你嘅電郵地址，確保你可以收到所有重要資訊，包括機票詳情、機場指南、貨幣指南等等
- 加入個人資料，例如你所用嘅飛行里數儲蓄計劃，預訂就更方便快捷喇
- 加入你嘅信用卡資料，付款更輕鬆
- 如果你在機場等候時覺得無聊，或者小朋友扭計，可以試下玩 KAYAK 機場遊戲
*以上價格為KAYAK.com.hk最近期的數據，在任何情況下均優先顯示最低價格，不受限於任何指定日期。顯示價格以HKD為貨幣單位。機票價格根據單人經濟艙來回機票計算。酒店價格為雙人房每晚價格，包含稅項和其他費用。價格隨時變動，而且供應量有限。
